Gleðileg jól

Kæru vinir, nær og fjær.

Gleðileg jól og farsælt komandi nýtt ár. Þakka liðið og vona að við hittumst sem oftast á komandi ári.

Jólakveðja,

Berglind

Gleymdi...

.....að segja frá því þegar Hrund notaði eina bíómyndasetningu í Boston. Ég, mamma og Hrund tókum saman leigubíl eftir að hafa farið út að borða á humarhúsi. Hildur, Hulda og Garðar hoppuðu í annan bíl. Og þegar við þrjár erum sestar inní leigubílinn þá segir mamma: Hvað heitir hótelið okkar. Við verðum allar eins og spurningar merki í framan og ég: Colonn eitthvað, gat ómögulega muna það. En Hrund var ekki lengi að fatta hvað hún ætti að gera og sagði: Follow that car!!! (sem sagt bílinn sem Hildur, Hulda og Garðar voru í). Vá hvað okkur fannst þetta fyndið, en það virkaði og svo fundum við út hvað hótelið okkar hét ;)

Annars er Hrund að fara að útskrifast í dag úr F.B. Tók þetta á 3 og hálfu ár, mjög flott hjá henni. Þannig að það verður einhver smá veisla heima. En úff hvað manni finnst maður vera gamall þegar litla systir er að útskrifast úr menntó og er brátt á leiðinni í Háskóla. Fékk einmitt bréf í gær sem sagði að vegna þess að í sumar hefðu verið 5 ár síðan að ég útskrifaðist úr MS væri búið að plana rejunion. Jamm það eru víst 5 og hálft ár síðan ég kláraði MS, skrítið hvað tíminn er fljótur að líða.

Til hamingju með áfangann Hrund mín.

Komin heim

Eins og það er gott að fara út þá er alltaf gott að koma heim. Við mamma vorum degi lengur en planað var og það var bara fínt, náði að versla mér smá föt þegar Hildur og Hrund voru farnar, þær hafa greinlega ekki góð verslunaráhrif á mig.
Ferðin var mjög fín í alla staði, bjóst að vísu við íktari jólaskreytingum en það var samt alveg nóg og ekki spillti fyrir að U S and A fólkið er mjög duglegt að spila jólatónlist mér til mikillar ánægju. En ég tók eftir því að það voru ansi margir búnir að setja jólatréið upp og skreyta það heima hjá sér. Þótti það frekar spes.
En við kíktum á Cheers, (where everybody knows your name) fórum í Cambriged Gallería, í rútuferð í Outlett, út að borða á humarstað þar sem humrinum var stillt þannig upp að hann horfði í augunn á manni og Harvard og margt fleira, gengum nánast af okkur fæturnar.

Annars gerðist þetta líka:
Ég og mamma héldum að einn starfsmaður sem var að vinna á lestarstöðinni ætlaði að dáleiða mig þar sem hann horfði svo sterkt í augun á mér, við Hildur vorum spurðar tvisvar sinnum að því hvort að við værum tvíburar (tek það skýrt fram ég er 2 árum yngri og fyrir utan það þá erum við ekki vitund líkar) og seinustu nóttina þeirra Hildar og Hrundar héldum við að fólk ætlaði að brjótast inná hótelherbergið okkar þar sem það var þvílíkt að taka í hurðahúninn og sparka í hurðina. En þá þýddi ekkert annað nema að hringja og kvarta, sem og við gerðum, tvisvar sinnum :) Enda virkaði það, ekki ætlaði ég það fara fram og tuða, maður veit aldrei hvað þetta U S and A fólk gerir.

Náði að kaupa flestar jólagjafirnar og er mjög ánægð með það. Núna er maður bara ennþá að vinna í því að ná tímamismuninum upp. En maður er búin að vera svo busy síðan maður koma heim að hann hefur ekki náðst. Fór á jólahlaðborð á þriðjudaginn með vinnunni, miðvikudagsheimsóknina mína til Berglindar Báru og svo var ég að skreyta piparkökuhúsið okkar, Sigurveigar og Heiðu Bjargar. Og það er ekkert smá flott þó svo að mín hlið líti út fyrir að 3 ára barn hafi skreytt það.

Svo er ég að fara að hitta Írisi og Snjólaugu í kvöld og Berglind ætlar svo að sýna mér hvernig maður á að baka mjög góðar jólakökur á morgun. Jólabrunch á VOX á sunnudaginn þar sem ég hitti Hildi P og Guðnýju Japansfara ásamt Hildi systur. Þannig það er nóg um að vera, sem er alveg frábært. Svo bíður maður bara eftir því að allir útlendingarnir manns koma til landsins.

En hérna er linkur að einu myndbandi sem sýnir einn mjög misheppnaðan þjóf.

Jæja þetta er komið gott, set inn myndirnar frá Boston við tækifæri.

Góða helgi.

Boston here I come!!

Þá er maður að fara til Boston í dag, vííí. Samt ekki, það er svo ótrúlegt með mig að ég nenni aldrei að fara út svona c.a. þegar 1 -2 dagar eru í brottför. Veit ekki hvort að þetta sé einhver spenna eða hvað. Mér finnst reyndar ógeðslega leiðinlegt að pakka og ég er orðin eitthvað svo flughrædd. En svo þegar ég er komin út þá skil ég ekkert í þessari vitleysu í sjálfri mér. Já maður er skrítin.
En Áslaug ætlar sennilega að vera fluffan okkar mæðgna í ferðinni út, mjög gaman það. En því vér og miður þá kemst Sigurveig systir ekki með okkur, hún þarf víst að prófstússast, en svona er lífið.

Jæja, læt heyra í mér þegar ég kem frá Boston.

Þangað til þá,
Berglind Boston-fari.

Rock Star

Það var mjög fínt í nuddinu sem ég fór í á fimmtudaginn. Fyrst fór ég í pottinn og þar fékk ég axla og höfuð nudd. Svo var farið í nuddið, en þeir sem þekkja mig vita að ég er ekki mikið fyrir að fólk sé að koma mikið við mig, sem sagt fólk sem er með snertiþörf ég er akkúrat öfugt við það. Ég hélt að ég væri bara að fara í herðanudd en annað koma á daginn þegar nuddarinn fór að nudda rassinn á mér!!! Já þá var þetta sem sagt heilnudd. En að frádregnu rassanuddinu þá var þetta mjög gott, hefði þurft að vera lengur bara.

Svo um kvöldið fórum við á Rock Star tónleikana og rosalega voru þetta góðir tónleikar, frekar langir en góðir. Ég þakkaði bara fyrir það að hafa verið í sæti. Þau voru öll mjög góð og mikil stemmning. Húsbandið ekkert smá góðir. En tónleikarnir voru sem sagt frá klukkan 20.20 og við fórum heim þegar Magni var að taka seinasta lagið en það var um klukkan 23.55.

Á föstudaginn var svo farið á Jólabolluna, var búin að heyra að þetta væri svaðalegt fyllerí en við komum greinilega bara of seint og skraulegasta fólkið var sennilega bara farið því að þetta var nokkuð rólegt miðað við það sem ég var búin að ímynda mér. Kíktum svo á REX þar sem Rock Star fólkið var að djamma og ég verð bara að viðurkenna að á þessum tímapunkti hefði ég ekki verið til í það að vera þau. Komust ekkert áfram því að þau þurftu að knúsa og kissa alla!!

Svo var helgin annars tekin í svakalega leti nema ég skrapp í bíó í gær á myndina Borat og hún var mjög fyndin. Mæli sko alveg með henni það er að segja ef það eru einhverjir sem eiga eftir að fara á hana.

En svo eru bara 3 dagar í það að ég fari til Boston með mömmu, Hildi og Hrund.