Hér bloggar Berglind of Wales

mánudagur, desember 26, 2005

Gleðileg jól

Vildi bara óska vinum og vandamönnum nær og fjær gleðilegra jóla.

mánudagur, desember 19, 2005

Asnalegt!!

Já það varð víst ekki úr ósk minni. Hulda komst ekki áfram :( En þrátt fyrir það þá fannst mér hún lang flottust. Það var voða fjör á Loftleiðum og héldum við nokkur áfram að skemmta okkur fram eftir nóttu. Kíktum á Oliver þar sem það var ógeðslega heitt á dansgólfinu og þegar við Herdís höfðum farið og fengið okkur kalt vatn og fórum svo aftur á dansgólfið þá voru sko sirka 12 vindstig og skítakuldi þar. Var ekki alveg að fatta þetta, annað hvort er ég á breytingarskeiðinu eða að loftræstikerfið hjá þeim er alveg í rugli og auðvitað held ég mig við seinni hugmyndina ;)

Svo var ég bara að jólastússast í gær, keypti að vísu enga jólagjöf en fór í Kringluna og á kaffihús og svo bara heim að pakka inn jólagjöfum. Fórum svo á jólamynd okkar systra í ára, The family Stone.

Jæja best að fara að jólastússast meira :)

föstudagur, desember 16, 2005

Ég vil Huldu áfram í Smáralindina!!!

Jæja, loksins, loksins þá er okkar stelpa hérna í vinnunni að fara að syngja í kvöld. Við erum öll orðin mjög spennt að sjá hana og heyra hana syngja. Við verðum sem sagt með Idol partí hérna í vinnunni, það verður svaka mikið stuð og maður vonar bara að sem flestir mæta.
En endilega fylgist með henni syngja og allir að kjósa hana Huldu okkar. Hún er alveg frábær. Og já hún er sú fyrsta sem stígur á stokk í kvöld og því er númerið hennar 900-9001 ;)

Áfram Hulda!!!

sunnudagur, desember 11, 2005

Hellú

Jamm langt síðan síðast. En jólin nálgast ekkert smá hratt, og ég er ekki ennþá búin að finna jólagjafir handa öllum þeim sem ég gef en það kemur vonandi, er reyndar búin að vera frekar róleg yfir þessu öllu saman, kannski of róleg.

Ég er búin að vera ágætlega upptekin seinustu vikur, fór með vinnunni að skoða Hótel K.Klaustur og það var nú svakaleg ferð, lentum í þessu skíta veðri á leiðinni þangað, var svo fegin daginn eftir að hafa ekkert séð út um gluggan því að þar sem við keyrðum þegar það var svona brjálað veður var frekar bratt niður upp við veginn :s Reyndar verst að við komum frekar seint á Klaustur og því þá sá maður voða lítið því að það var svo dimmt og svo fórum við það snemma að það var ekki farið að birta. En við vorum svo sem ekkert að fara að skoða bæinn heldur hótelið og við sáum það vel.

Svo skellti ég mér loksins á Sálarball sem var á Nasa, mjög gaman á því, enda svo sem ekki við öðru að búast þegar Sálin er annars vegar. En eini gallinn við ballið var að það var svo ógeðslega mikið af fólki á því. Alltof troðið.

Svo er ég búin að fara í svona frænkujólaföndur, fara á öryggisnámskeið og svo í jólamat á Nordica með vinnunni.
Og meðan ég man þá ætla ég að óska henni Hildi systur til hamingju með daginn um daginn ;) Hún var 26 ára á miðvikudaginn. Til hamingju Hildur, þú lítur ekki út fyrir að vera deginum eldri en 25 ;)


Í gær skellti ég mér svo í hina langþráðu klippingu, það var sko kominn löngum meira en tími til. Maður er búinn að vera á ljótunni alltof lengi!!!
Svo þegar ég kom heim úr klippingu þá var mér sagt að skipta um föt því að ég og Hildur værum á leiðinni á tónleikanna með Frostrósum. Mikið rosalega syngja þær allar sjúklega vel, þetta var ekkert smá flott hjá þeim. Og mér fannst ekkert smá margir vera á tónleikunum miðað við það að þetta voru aukatónleikar sem þær ákváðu að hafa. Næstum alveg stútfull Laugardalshöll og það var svo uppselt um kvöldið. Ótrúlegt að þær hafa bara verið að halda þetta í Kirkjum seinustu ár því að það komast ekki eins margir þar inn. En ég var samt á því að þetta hefði verið miklu flottari ef að þetta hefði verið haldið í kirkju. En samt var þetta mjög flott :)

Jæja, ég er farin að leggja höfuðið í bleyti svo að ég fái nú kannski hugmyndir að jólagjöfum.