Hér bloggar Berglind of Wales

miðvikudagur, júlí 25, 2007

Kveðja frá Egilsstöðum

Þá er maður mættur á Egilsstaði eða kom reyndar á sunnudagskvöldið. Fórum suðurleiðina hingað og ég get sagt að þetta er frekar leiðinleg leið. Var svo að hlera í sjoppunni í gær þar sem einn strákur sagði við annan að suðurleiðin væri svo leiðinleg þar sem það eru 4 malarvegir og 37 einbreiðar brýr á leiðinni. Ég held að það geti alveg verið rétt hjá honum, það var bara djók hvað það voru margar einbreiðar brýr.

En já við erum ekki búnar að gera margt eiginlega bara hanga en það er ágætt stundum. Fórum reyndar uppá Kárahnjúka með pabba á mánudaginn og út að borða í gær. Stefnan er svo tekin á Húsavík á morgun og þá kíkjum við sennilega með ömmu til Akureyrar og kannski eitthvað annað. Svo er stefnan tekin á bæinn á laugardaginn sem er einmitt besti dagur ársins að mínu mati ;) Bara svona að minna ykkur á það að ég á afmæli einmitt á laugardaginn á sennilega ekki eftir að geta bloggað þá og því minni ég ykkur á þetta núna.

En jæja, ég ætla að halda áfram að lesa eða bara glápa á imbann.

Kveðja frá Egilsstöðum.

mánudagur, júlí 16, 2007

Jæja sælt verið fólkið

Vá hvað það er erfitt að vera svona netlaus heimahjá sér. Þá dettur maður bara alveg úr öllum blogggír. Því að ég hef alltaf verið svo dugleg að blogga.

En já ég er búin að afreka allavega eitt síðan ég bloggaði seinast. Ég fór alla leið uppá Esjuna í fyrsta skiptið um daginn með Helgu og vinkonu hennar. Er ekkert smá stolt af mér en það verður langt í það að ég fari alla leið upp aftur. Ég var ekkert smá hrædd þegar ég var að klífa þessa kletta, tók okkur ekki nema hálftíma að komast upp klettana og svipaðan tíma að komast niður. Frekar lengi enda fór ég þetta nánast á fjórum fótum. Svo flaug ég á hausinn nokkrum sinnum en komst nokkuð heil niður en dagarnir eftir voru mjög slæmir, hef sjaldan fengið eins miklar harðsperrur.

Svo fór ég með Herdísi og Helgu í bústaðinn hennar Herdísar og þar fór pabbi hennar með okkur á bát út á vatn þar sem við vorum algjörar prímadonnur. Það var haldið á okkur út í bát og svo þegar við komum tilbaka þá stigum við beint úr bátnum inní bíl. Já það var bara ítt bátnum upp að bílnum sem var aðeins útí vatninu. Gerist ekki betra. Svo fengum við þessa líka góðu máltíð. Eftir matinn var svo keyrt á Akranes þar sem var rosalega mikið af fólki, aðallega mikið af ungufólki (já ég er orðin svakalega gömul). Það var eitthvað lopapeysuball í gangi, við fórum bara í bæinn þegar allir fóru á ball.

En jæja vildi bara láta vita að ég væri á lífi, er voðalega sátt við veðrið hérna á landinu þessa dagana, ég er bara sólbrennd og alles en ég ætla samt að nýta sólina til hið ítrasta í dag. Mætti meira að segja fyrr í vinnuna til að komast fyrr út í sólina.

Kveðja úr sólinni.