Jólakveðja

Kæru vinir og vandamenn.

Gleðileg jól. Vona að þið hafið það sem allra best yfir hátíðirnar.

Þar sem ég sendi engin jólakort í ár þá læt ég myndina bara hérna inn sem hefði annars farið í jólakortin.

Ég og Páll Óskar á Nasa.

Svo set ég inn eina af hinni árlegu systramyndatöku. Myndin tekin í gær.

Jólakveðja,

Berglind

Mikið rosalega langar mig..

.... til útlanda. Ef allt væri eins og það hefur áður verið á þessum tíma árs væri ég sennilega úti í USA eða nýkomin heim. En nei, nei núna eru breyttir tíma, kostar heldur mikið að fara út. Mér finnst mjög skrýtið að vera ekki búin að fara til USA á þessum tíma árs. Þetta var orðinn svolítill vani að fara með mömmu og einhverjum af mínum systrum til bandaríkjana rétt fyrir jól. Eða ég er búin að fara seinustu 3 ár þá er það alveg að verða vani. Það finnst mér allavega.

Svo er ég loksins búin að fara til læknis vegna minnar krónísku vöðvabólgu í herðum og hálsi, fyrst vildi læknirinn að ég gerði bara einhverjar æfingar, færi í sund og héldi á mér hita sérstaklega á öxlum og hálsi. Reyndi það en að sjálfsögðu fór ég ekki í sund. Það var ekki að virka svo að ég fór aftur og mér fannst ég eiginlega þurfa að sníkja vottorð. Nenni þessu bara ekki lengur er ekki búin að sofa vel alla vikuna vegna höfðuverks útfrá vöðvabólgunni. Afrekaði það að hringja í sjúkraþjálfara sem mér var bent á. Þá var ég spurð hvort að ég væri í boltanum. Hefði átt að segja já, sagði bara að ég var það einu sinni, því að svo gat hún ekki bætt mér við. Þannig að núna þarf ég að hringja aftur eitthvað annað, það mun sennilega taka mig einhver ár ef ég þekki sjálfa mig rétt!!! Aumingja ég ;)

Annars þori ég varla að vera inní stofu núna þar sem þetta brjálaða veður er úti. Er eiginleg alveg viss um það núna að glugginn muni brotna, hann titrar það mikið. Merkilegt hvað veðurguðirnir geta ekki ákveðið sig hvort þeir eigi að hafa snjó eða ekki. Í fyrradag var snjór, enginn í gær, þegar ég vaknaði í morgun var snjór og núna er snjórinn farinn. Þetta er ekkert erfitt það má snjóa á Þorláksmessu og svo má snjórinn fara fljótlega í byrjun nýs árs. Ekki flókið.

Hildur afmælisbarn

Hildur systir á afmæli í dag, orðin 29 ára. Til hamingju með daginn Hildur mín.

Er sem sagt búin að fara í brunch til hennar í dag. Mjög gott. Svo fékk Hildur bara þær fréttir áðan að lítil frænka okkar hlaut nafnið Hildur Vala í dag. Skemmtilegt það, skil ekki afhverju það skírir engin stelpurnar sínar Berglind, hefur allavega ekki gerst í fjölskyldu minni hingað til. Eins og það er nú fallegt nafn.

Mynd af Hildi í tilefnidagsins. Hún er reyndar tekin í apríl þannig að hún lítur aðeins ellilegri út í dag en á þessari mynd.

Annars er ég bara að verða búin að skreyta hjá mér. Er einhver veginn samt alltaf að bæta meira við því að mér finnst ekki nógu mikið skraut hjá mér en systur mínar kalla íbúðina mína jólaland, skil ekki alveg afhverju því að ég vil helst bæta við skrauti!

Jæja ætla að fara að hafa það kósý hérna í jólalandi ef ég get það sökum hávaða frá stillösunum utan við húsið mitt.