Hér bloggar Berglind of Wales

sunnudagur, október 26, 2008

Vilhjálmur Vilhjálmsson og Ólafur Stefánsson

Gleymdi að segja frá því að ég fór á minningar tónleika Vilhjálms Vilhjálmssonar 10. október og mikið rósalega voru þetta flottir tónleikar. Gott að komast úr stressað umhverfinu og fara þarna og gleyma sér við það að hlusta á öll þessi flottu lög. Ég var spenntust að sjá hver það væri sem myndi syngja lagið Söknuður sem var svo bara þannig að það var spiluð plata með honum og sýnt myndband af tónlistarmönnum sem hafa látist í gegnum tíðina. Svo var einnig flott þegar lagið Tölum saman var spilað, þá var settur gamall mæk á gólfið og hljómsveitin spilaði undir teypi Vilhjálms. Svo voru reyndar nokkrir tónlistamenn sem komu þarna á sviðið sem ég er ekki að fíla, þá lokaðir ég bara augunum eða horfði eitthvað annað. En það var einn söngvari sem kom mér svo verulega á óvart og það var hann Jónsi. Mér hefur alltaf fundist hann vera bara fínn söngvari en eftir að hann söng lagið Þú átt mig ein þá er hann búinn að vinna sér inn allmörg stig. Þetta var svo flott hjá honum að ég fékk gæsahúð aftan í hnakka. Ekkert smá flott og svo var toppurinn þegar sonur Vilhjálms kom og tók við af Jónsa í laginu Lítill drengur. Já sem sagt snildar tónleikar og ég væri sko alveg til í að fara aftur eða eiga upptökuna af þessum tónleikum.

Svo fór ég í Bootcamp tíma á laugardagsmorgun, var að splæsa í árskort og má þá mæta 3 í tíma en þar sem ég er í grænjaxlahóp þá eru þeir bara 2 sinnum í viku og mér skildist að laugardagstímarnir ættu að vera svona fyrir alla. En þegar ég var í tímanum þá var ég nokkuð viss um að þetta væri bara fyrir þessa allra hörðustu!! Mér leið ekkert smá illa, var alveg að fara að gefast upp, mér var farið að svima. En ég ákvað samt að halda áfram en var svo drullu fúl út í sjálfa mig hvað ég var léleg eftir tímann. Þoli ekki að vera lélegust! Þannig að ég veit ekki hvort að ég hætti mér aftur í svona tíma alveg strax. Og harðsperrurnar eru náttúrulega eftir því í dag!

Ég var svo að horfa á þáttinn með Evu Maríu í kvöld og þar var Ólafur Stefánsson í viðtalið hjá henni. Og vá hvað þessi maður er mikill snillingur. Ég skil ekki allt sem hann er að fara en vá mér finnst hann bara ekkert smá merkilegur maður. Hann túrir því að maður geti allt sem maður vill gera, maður þurfi bara að hafa nógu mikla trú sjálfur. Ég þarf kannski að fara að fara eftir hans orðum og þá fer allt að ganga upp hjá mér.

Berglind, Vilhjálms Vil og Óla Stefánssonar fan kveður að sinni.

0 Comments:

Skrifa ummæli

<< Home